GFF與模玩攝影分享~ 那動人時光
我80年代認識高達與及玩模型(小四~中四)，同好多朋友一樣因為讀書工作，丟低了好一段時間，eventually 直至2000年，高達的big bang project，GFF係其中一個最重要的系列 (還有FWUO) ，再加上當時數碼攝影剛剛開始，令我開始模型玩具攝影分享。 當時我主要拍攝 GFF，FWUO， 與及搵模型師代工之成品，以Gundam@EFSF之名，於唔同嘅newsgroup同埋討論區分享。NWBBS, Actoy? 都好像沒有了
大家可能見我近年來黑底相比較多，如果真的很早認識我的朋友，可能會記得起我早期的大曝光白底，偏冷的色溫，與及比較誇張的透視攝影作品。 我自己都好懷念嗰個style，但係因為屋企個setting唔同咗，如果要做返都要好費工夫， 所以近十年都係黑色攝影棚。
最開心就係分享照片，都可以識咗好多好朋友，最後仲搞埋高達同好聚。其實原本係實體聚會嚟㗎，嗰陣時FB都未好流行，喺討論區/blog度呼籲，然之後十幾至三十個素未謀面的高達fans，就膽粗粗出嚟喺咖啡店吹水，個感覺好神奇。 而家好多都成為咗摯友
至於真係砌返高達模型，2015年之前，都係搵師傅代工的。但係近年HG越出越靚，builder friendly，大概15年之後，慢慢摸索到素組消光，就開始自己砌返模型了，原來重拾模玩攝影呢個興趣，眨下眼就23年。
如果冇GFF，我諗都唔會開始咗呢個興趣，認識到大家
只能等ka signature会不会慢慢洗牌
