首先来睇下个头，零件唔系好多。
全只砌完，感觉比之前Bt两只野好砌D，零件无甘琐碎。
但砌之前肯定要练下大力金刚指，依家手指头痛到蕉甘。
关节无之前大增加，魂机甘紧，可以话略松，如果紧翻少少就最好嘞，不过呢个可以自己加固。
博头可以打开，上边块白色嘢连住粒鬼甘细既黑色关节，一用力就跌，最好用胶水痴实。
头部可以昂起，不过对眼被黑色头壳顶遮住，睇唔到绿色部分，估计要修下。
唔知原版系米甘样既。
可以将黑色部位削紧D，或者将个脸装落D，不过要切左个插口，自己落胶水。
手伸入博头后再连落个身度，一睇就知无乜活动性。手臂可以90度拗。
个头再睇真D，隐约见到一丝绿色眼。三条天线好鬼长，但位都好正，又够硬，唔会弯埋一边。
正面基本睇唔到对眼。
仲有个难点，脚上红色块护甲，好容易装反。有粒黑色软件连住，但要注意前后。
就靠右边果DD连住，郁多两下又跌，不过可以落胶水搞掂。
对脚本身就无可动，膝头可以90度，裙甲可以翻起45度。
基本只可以企下，Y腿。
无缝方面，成对脚都要，前后都有，不过呢个系兽屋特色。人都癫!
对手上下都要无缝，插拳头粒嘢太薄，一插就爆左，搞到拳头有D松，不过可以垫D嘢整翻紧。
身体分色好掂，背后4个喷气口松紧适中。好过B社好多机。
总既来讲，古铁好唔错，细节组合度一如既往，唔使睇测评都够胆买。
小修下，无缝后就可以喷嘞。
多谢欣赏！
